​Arrestohet në Pejë një shtetase serbe për shpërdorim të pasurisë së huaj

Kronikë e zezë

​Arrestohet në Pejë një shtetase serbe për shpërdorim të pasurisë së huaj

Më: 26 maj 2022 Në ora: 14:07
Foto ilustrim

Policia e Kosovës ka arrestuar një shtetase serbe pasi kishte marrë 200 euro që i kishin rënë një personi derisa ishte në një lokal në Pejë.

Më datë 23 maj 2022, rreth orës 17:05, policia është informuar nga viktima e rastit, sipas të cilit derisa ishte në një lokal në Pejë i kanë rënë nga xhepi të holla në shumë prej 200 euro, viktima ka dyshuar se dikush i ka marrë këto të holla.

Nga hetuesit e Stacionit Policor në Pejë është bërë shikimi i kamerave të sigurisë se objektit, aty është vërejtur një person i panjohur, e cila shihet duke i marrë të hollat dhe duke u larguar me veturën e tipit Opel me targa të Malit të Zi.

E dyshuara ka tentuar të kalojë në pikën kufitare në Kullë, e njëjta është arrestuar.

Njësiti i hetimeve pranë Stacionit Policor në Pejë, ka intervistuar të dyshuarën E. M. (1971) nga e cila janë sekuestruar të holla në shumën prej 200

euro, të cilat pas procedurave ligjore do t’i kthehen viktimës.

E dyshuara pas intervistimit me urdhër të Prokurorit të Shtetit është liruar në procedurë të rregullt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat