Rrahu gruan për higjienën e shtëpisë, kërkohet paraburgim për burrin nga Rahoveci

Kronikë

Rrahu gruan për higjienën e shtëpisë, kërkohet paraburgim për burrin nga Rahoveci

Më: 3 qershor 2022 Në ora: 09:52
Foto ilustrim

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit Sh. Th., për shkak të dyshimit të bazuar se ka kryer veprën penale “Lëndim i lehtë trupor”.

Sipas komunikatës, I dyshuari pas mosmarrëveshjeve të vazhdueshme me gruan e tij dhe pas një fjalosje që kanë pasur mes vete, e sulmon fizikisht të dëmtuarën duke e goditur me grushte mbrapa në veshin e djathë, në  krahun e majtë si dhe në shpinë, ku si rezultat i këtyre goditjeve e dëmtuara pëson lëndime trupore.

“Prokuroria njofton se  më 31 maj 2022,  në Komunën e  Rahovecit, në shtëpinë e tyre të përbashkët, i pandehuri Sh. Th., shkakton dhunë në familje, përkatësisht i shkakton lëndime trupore të dëmtuarës, bashkëshortes së tij E.B.  Prokurori i rastit ndaj të pandehurit Sh. Th.,  ka kërkuar masën e paraburgimit në afat prej 30 ditësh. I pandehuri,  me urdhër të prokurorit gjendet në ndalim nga data 01 maj 2022”, thuhet tutje në komunikatë, transmeton Klankosova.tv.

comment Për komente lëvizni më poshtë
Më të lexuarat
Sot mund të lexoni Shfletoni kopertinat