​Katër lëndime të rënda si pasojë e aksidenteve me trotinetë elektrikë

Kronikë e zezë

​Katër lëndime të rënda si pasojë e aksidenteve me trotinetë elektrikë

Më: 2 korrik 2022 Në ora: 10:31
Foto ilustrim

Trotinetet elektrikë janë në modë. Është shtuar numri i atyre që i përdorin për të kryer shërbime të përditshme por edhe për të bërë rrugën deri në punë.

Mirëpo, mjekët apelojnë për kujdes, pasi vetëm në 24 orët e fundit, kujdestaria e QKUK-së kanë qenë 4 raste me lëndime serioze të shkaktuar pikërisht nga trotinetët.

Në postimin e doktor Bensik Ibishit, që ka shpërndarë raportin e kolegut Lavdrim Agushi, thuhet se një 19-vjeçar ka pësuar frakturë të bazës së kafkës dhe lëndime tjera serioze.

Një 7-vjeçare duke lozur me trotinet e goditur nga vetura, ndërsa një 21-vjeçare tjetër ka pësuar lëndime të shumëfishta të ekstremiteteve.

Ndërsa rasti tjetër është ai i një 4-vjeçari që ka shqyer veshin si pasojë e rrëzimit me trotinet.

Shpejtësia, pakujdesia, sidomos mungesa e infrastrukturës tek ne dhe shumë faktorë tjerë po shkaktojnë lëndime serioze që kushtojnë me jetë, thuhet në apelin e mjekëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat