Një person ka humbur jetën tragjikisht sot në Burnicë të Gjilanit derisa ishte duke prerë drurë.
Zëdhënësi i policisë rajonale për Gjilan Ismet Hashani ka konfirmuar për KosovaPress se rasti ka ndodhur rreth orës 16:53.
“Kemi pranuar informatën se në Burincë - komuna Gjilan, personin shqiptar shtetas i Kosovës (1983 ), me vendbanim në komunën e Kaçanikut, ishte duke prerë drurë, në një moment një lis e ka zënë duke i shkaktuar lëndime të rënda trupore. Nga lëndimet e marra rreth orës 18:00 mjeku kujdestar në vendin e ngjarjes ka konstatuar vdekjen e personit”, ka thënë Hashani.
Në lidhje me rastin janë njoftuar njësitet relevante, ndërsa me urdhër të prokurorit të shtetit trupi i pajetë do të dërgohet në Institutin e Mjekësisë Ligjore.
Rasti po hetohet nga njësitet e hetimeve rajonale të Policisë së Kosovës.