Plagosja e gruas në Prizren, plumbi qorr i depërtoi në veturë

Kronikë e zezë

Plagosja e gruas në Prizren, plumbi qorr i depërtoi në veturë

Më: 11 gusht 2022 Në ora: 23:40
Foto ilustrim

Një grua teksa po ecte me makinë është plagosur nga një plumb qorr në tek tregu “Fatoni” në Prizren.

Rastin që ndodhi pasditen e së enjtes e ka konfirmuar edhe policia. 

Bëhet e ditur se gruaja është rreth të 30-ve dhe se lëndime kishte marrë në gju.

Sipas dëshmitarëve, gruaja kishte dalë jashtë veturës e më pas kishte parë se ishte plagosur në gju.

Ajo është trajtuar në emergjencën e spitalit të Prizrenit dhe është jashtë rrezikut për jetë, ndërsa ende nuk dihet se nga ka mundur të vinte plumbi.

Ndërsa sot Policia e Kosovës ka njoftuar se po në Prizren ka arrestuar dy persona të cilët kishin shtënë në ajër gjatë një ahengu familjar. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat