​Arrestohen tre të dyshuar për rrëmbim e dhunim në Mitrovicë

Kronikë e zezë

​Arrestohen tre të dyshuar për rrëmbim e dhunim në Mitrovicë

Më: 13 gusht 2022 Në ora: 21:27
Ilustrim

Si rezultat i hetimeve intensive gjatë ditës së sotme, hetuesit e Sektorit Rajonal të Hetimeve në Mitrovicën e Jugut kanë identifikuar dhe arrestuar tre persona të dyshuar, shtetas të Kosovës, për veprat penale rrëmbim dhe dhunim.

Arrestimi i H. M. (20), G. B. (21) dhe B.M. (34) është bërë mbi dyshimet e arsyeshme dhe provave të siguruara, se në orët e mbrëmjes të datës 12 gusht 2022, në Mitrovicë, dy të dyshuarit e parë kanë rrëmbyer një 18-vjeçare, të cilën me forcë e kanë futur në veturë duke i shkaktuar lëndime trupore, si pasojë e të cilave viktimës i është ofruar tretman mjekësor.

Në kuadër të hetimeve të deritanishme hetuesit policorë, mbështetur në deklaratën shtesë të 18-vjeçares, kanë arritur të zbulojnë se ajo muaj më parë kishte qenë viktimë e dhunimit nga B .M. (34), vepër kjo që nuk ishte raportuar nga viktima.

Pas intervistimit, tre të dyshuarve me aktvendim të prokurorit të rastit u është caktuar masa e ndalimit për 48 orë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat