Një 29 vjeçar, që ishte i kërkuar, u arrestua dje në Viti.
Policia informoi se ai ishte i kërkuar në bazë të dy urdhëresave të lëshuar nga Gjykata Themelore Gjilan me dënim burgimi prej 22 ditësh për veprat penale ‘’Vjedhje e pyllit’’.
“Drejtoria Rajonale e Policisë Gjilan, Stacioni Policor Viti me datën 23.11.2022 në kuadër të planit operativ për realizim të urdhëresave gjyqësore ka arrestuar personin e kërkuar kosovar H.Z. (1993). Pas përfundimit të procedurave i njëjti është dërguar në vuajtje të dënimit.”, bëri të ditur Policia.
Drejtoria Rajonale e Policisë në Gjilan, siç u shtua, do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave.
