I vuri zjarrin një lokali, arrestohet një person në Mitrovicë

Kronikë e zezë

I vuri zjarrin një lokali, arrestohet një person në Mitrovicë

Më: 26 nëntor 2022 Në ora: 14:10
Foto ilustrim

Policia e Kosovës ka arrestuar një person, pasi i njëjti dyshohet se i ka vënë zjarrin një lokali në Mitrovicë.

Sipas Policisë së Kosovës, mbështetur në hetimet fillestare, shkas i rastit dyshohet të jetë një mosmarrëveshje e mëhershme ndërmjet të dyshuarit dhe pronarit të lokalit.

“Hetuesit e Stacionit Policor Jugu në Mitrovicë, si rezultat i hetimeve dhe veprimeve të shpejta kanë identifikuar dhe kanë arrestuar një person të dyshuar për veprën penale zjarrvënie të raportuar në orët e mëngjesit të sotëm”, ka thënë zëdhënësi i Policisë së Kosovës për Mitrovicë të jugut, Avni Sahiti. 

Ai ka bërë të ditur për KosovaPress se personi i arrestuar është një 26-vjeçar dhe se ka prova se ky i fundit ka kryer veprën penale. 

“Arrestimi i të dyshuarit M. H., 26 vjeçar, shtetas i Republikës se Kosovës, është bërë mbi dyshime të arsyeshme dhe provave të siguruara për kryerje të veprës penale ‘zjarrvënie” që është raportuar sot në ora 05:25, e ndodhur në fshatin Shupkovc të Mitrovicës së Jugut, ku si pasojë e zjarrvënies është dëmtuar dera një lokali (kafiteri)”, ka thënë ai. 

Pas intervistimit, me urdhër të prokurorit të rastit, të dyshuarit i është caktuar masa e ndalimit për 48 orë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat