Bie në radar, në Kamenicë arrestohet personi që kërkohej nga Interpoli për vjedhje të rëndë

Kronikë e zezë

Bie në radar, në Kamenicë arrestohet personi që kërkohej nga Interpoli për vjedhje të rëndë

Më: 26 nëntor 2022 Në ora: 23:16
Ilustrim

Policia ka arrestuar sot një person që po kërkohej nga Interpoli, për vjedhje të rëndë, pasi i njëjti sot është ndaluar për tejkalim të shpejtësisë me veturën e tij në rrugën e Kamenicës.

Në njoftimin e Policisë thuhet se “Drejtoria Rajonale e Policisë Gjilan, Njësiti i Rajonal i Komunikacionit Rrugor sot më datë 26.11.2022 rreth orës 20:50 minuta në rrugën e Kamenicës në një pikë kontrolli rutinë me radar kanë ndalur një automjet me tabelat vendore (01) të cilin e drejtonte A. A. Shtetas i Kosovës për shkak të tejkalimit të shpejtësisë”.

“I njëjti pasi është verifikuar nga ana e zyrtarëve policor ka rezultuar se është i kërkuar nga Interpoli  për shkak të veprës penale ‘vjedhje e rëndë’ e kryer jashtë shtetit të Kosovës”, thuhet në njoftim.

I njëjti është arrestuar nga ana e zyrtarëve policor dhe është sjellë në Stacionin Policor Gjilan për procedim të mëtejmë ligjor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat