Arrestohet një 32 vjeçar për sulm ndaj personit zyrtar

Kronikë e zezë

Arrestohet një 32 vjeçar për sulm ndaj personit zyrtar

Më: 1 dhjetor 2022 Në ora: 13:29
Foto ilustrim

Një 32 vjeçar u arrestua sot në Fushë Kosovë për sulm ndaj personit zyrtar.

Policia informoi se lidhur me rastin u sekuestrua një revole, që i dyshuari ka poseduar me vete në rastin e sulmit si dhe ka ekspozuar atë.

“Sot u realizua një operacion në “Fushë Kosovë” me ç’ rast policia arrestoi të dyshuarin; -S. M, mashkull 32 vjeç, shtetas i Republikës së Kosovës, për të cilin dyshohet me bazë të jetë përfshirë në rastin e sulmit ndaj personit zyrtar të ndodhur më datë 30.11.2022, rreth orës 22:45 në fshatin Sllatinë të komunës së Fushë Kosovës. Arrestimi i të dyshuarit erdhi si produkt i progresit hetimor të rastit në fjalë ku hetuesit policor duke trajtuar me përkushtim të thellë të gjitha elementet e rastit, kanë arritur të identifikojnë të dyshuarin si dhe të lokalizojnë vendndodhjen e tij.”, bëri të ditur Policia.

I dyshuari, pas arrestimit, me aktvendim mbi ndalimin e personit të dyshuar të nxjerrë nga ana e prokurorit të shtetit, u dërgua në qendrën e mbajtjes prej 48 orësh.

Ndaj 32 vjeçarit u iniciua hetim në drejtim të veprave penale “Sulm ndaj personit zyrtar” si dhe “Mbajtje në pronësi kontroll ose posedim të pa autorizuar të armës”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat