Arrestohen dy persona për dëmtimin e transformatorit energjetik në Prizren

Kronikë

Arrestohen dy persona për dëmtimin e transformatorit energjetik në Prizren

Më: 16 janar 2024 Në ora: 21:13
Foto ilustrim

KEDS njofton se rreth një javë pasi kryen aktin e shëmtuar të djegies së transformatorit në fshatin Gjonaj të Prizrenit, Policia e Kosovës ka arrestuar dy të dyshuarit.

Sipas njoftimit, pas një pune operative-hetimore të hetuesisë, ata u prangosën nga policia dhe ndaj tyre pritet të merren masa ndëshkuese ligjore.

“Falënderojmë Policinë e Kosovës për arrestimin e këtyre dy personave të dyshuar që vepruan kundërligjshëm dhe ftojmë të gjithë konsumatorët e ndërgjegjshëm të mos jenë pre e akteve të tilla të shëmtuara.

Sepse dëmtimi i qëllimshëm i aseteve elektroenergjetike nënkupton edhe mungesë stabiliteti të furnizimit për ata konsumatorë të afektuar”, thuhet në njoftim.

comment Për komente lëvizni më poshtë
Më të lexuarat
Sot mund të lexoni Shfletoni kopertinat