Janë deponuar mbi 2 mijë euro para të falsifikuara në Fushë Kosovë.
Policia e Kosovës ka njoftuar se disa persona kanë deponuar monedha metalike nga dy euro në vlerë mbi 2 mijë euro.
Siç thuhet në këtë raport monedhat janë konfiskuar për procedura hetimore.
“Fushë Kosovë 26.12.2023-17.01.2024. Ankuesi mashkull kosovar ka njoftuar se nga disa persona janë deponuar monedha metalike nga dy dhe një euro në vlerë rreth 2619 euro që dyshohet të jenë të falsifikuar. Monedhat jane konfiskuar per procedura hetimore”, thonë nga PK.
