Raportohen rreth 5 mijë euro false në Lipjan e mbi 2 mijë në Viti – monedha 2 euroshe

Kronikë

Raportohen rreth 5 mijë euro false në Lipjan e mbi 2 mijë në Viti – monedha 2 euroshe

Më: 25 maj 2024 Në ora: 09:13
Foto ilustrim

Policia e Kosovës ka njoftuar se një person në Lipjan ka raportuar 2362 monedha në vlerë nga 2 euro të cilat dyshohet që janë të falsifikuara, ndërkaq në një rast tjetër në Viti një zyrtar banke ka njoftuar se nga klientë të ndryshëm janë deponuar 1131 monedha nga 2 euro, që dyshohet se janë të falsifikuara.

Kjo u bë e ditur në raportin 24 orësh të Policisë së Kosovës.

"Kam Marketi, Lipjan – Data dhe koha e incidentit e panjohur. Raportohet se ankuesi mashkull kosovar, ka raportuar 2362 monedha në vlerë nga 2 euro të cilat dyshohet që janë të falsifikuara”, thuhet në raport.

Paratë janë konfiskuar, ndërsa rasti në hetime.

Ndërkaq, rasti tjetër i raportimit të parave të falsifikuara ka ndodhur në Viti.

“Viti 24.05.2024 – 12:50. Ankuesi mashkull kosovar zyrtar i një banke ka njoftuar policinë se në bankë nga klientë të ndryshëm në intervalin kohor 28-30.12.2024 janë deponuar 1131 monedha nga 2 euro të cilat dyshohet se janë të falsifikuara të cilat janë sekuestruar. Rasti në hetime”, thuhet në raport.

comment Për komente lëvizni më poshtë
Më të lexuarat
Sot mund të lexoni Shfletoni kopertinat