Incidenti që ndodhi në garazhin e një shtëpie në Prishtinë, të mërkurën në mesditë, ku një person mbeti i plagosur dyshohej fillimisht se ishte vetëplagosje. Pas ndërmarrjes së veprimeve hetimore u zbulua se viktima, shtetas i Rumanisë është qëlluar nga një person.
Media ka mësuar se personi i dyshuar për rastin, i cili ka përfunduar në ndalim policor është Fatmir Krasniqi, rreth 50-vjeçar.
Krasniqi po dyshohet se ka plagosur aksidentalisht me armë zjarri viktimën Julian Bisaon, duke i shkaktuar lëndime trupore për çka u dërgua për trajtim mjekësor.
Lajmin për arrestimin e të dyshuarit e ka konfirmuar edhe Policia Rajonale në Prishtinë.
Në vendin e ngjarjes, Policia kanë konfiskuar një armë zjarri AK-47 me të cilën dyshohet së është plagosur viktima, 214 fishekë, një armë zjarri revole me dy karikatorë dhe 10 fishekë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
