Shtetasi serb ndalohet në Leposaviq me mallra të dyshuara për kontrabandim

Kronikë

Shtetasi serb ndalohet në Leposaviq me mallra të dyshuara për kontrabandim

Më: 26 korrik 2024 Në ora: 10:31
Ilustrim

Një veturë me targa të huaja është ndaluar gjatë patrullimit afër vijës kufitare Kosovë – Serbi.

Drejtuesi i veturës, shtetas i Serbisë, është ndaluar për verifikim të dokumenteve dhe të veturës.

Gjatë kontrollit, sipas njoftimit nga Policia e Kosovës, janë zbuluar mallra ushqimore që dyshohen për kontrabandë.

“Leposaviq / 25.07.2024 – 06:30. Gjatë patrullimit afër vijës kufitare Kosovë-Serbi është ndaluar vetura me targa të huaja dhe drejtuesi mashkull shtetas i Serbisë. Gjatë legjitimimit të dokumenteve dhe të veturës, në veturë janë vërejtur mallra ushqimore të dyshuara për kontrabanim”, thuhet në raportin 24-orësh të PK-së.

Sipas njoftimit, pas intervistimit të drejtuesit dhe shqyrtimit të dokumenteve, prokurori ka vendosur të lirojë të dyshuarin dhe rasti do të vazhdojë në procedurë të rregullt.

comment Për komente lëvizni më poshtë
Më të lexuarat
Sot mund të lexoni Shfletoni kopertinat