Një aksident trafiku ka ndodhur sot, më 31.07.2024, në Ferizaj, ku një kamioni i ka dalë rrota.
Majori i Policisë së Kosovës, Qazim Reka, tha se rrota më pas goditi një veturë dhe një mur.
Sipas majorit Reka, nga ky rast nuk ka ndonjë person të lënduar, ka vetëm dëme materiale.
Aksidenti i trafikut ka ndodhur në rrugën “Driton Islami” te vendi i njohur si “rrethi i shqiponjës”.
Dëshmitarët e rastit kanë thënë se janë detyruar ta ndiqnin me makinë shoferin e kamionit, i cili pastaj u kishte thënë se as që e kishte vërejtur se i kishte dalë njëra prej rrotave.
