Policia e Kosovës ka dërguar në mbajtje një 29-vjeçar, për një plagosje të shkaktuar në rrugën "Maliq Pashë Gjinolli" në Prishtinë.
Rasti ka ndodhur më 27 gusht 2024, ku nga arma e zjarrit është plagosur një person.
Policia ka filluar menjëherë trajtimin e informacioneve dhe ka ndërmarrë veprimet e nevojshme operativo-hetimore në përpjekje për të ndriçuar dhe sqaruar të gjitha rrethanat e rastit.
Puna e zyrtarëve nga Njësiti i Hetimeve të Përgjithshme, ka rezultuar me identifikimin dhe intervistimin e Sh.A., dhe me vendim të prokurorit të shtetit është dërguar në mbajtje.
Policia me këtë rast ka sekuestruar një armë zjarri, e cila dyshohet të jetë përdor në rast, ndërsa ndaj të dyshuarit po kryhen procedurat për veprat vrasje në tentativë dhe armëmbajtjes pa leje.
