Në Prugoc të Prishtinës gjatë ditës së djeshme pati gjuajtje me armë.
Policia në vendin e ngjarjes ka arrestuar një person, ndaj të cilit u sekuestruan një armë me gjashtë fishekë.
Pas intervistimit me vendim të prokurorit i dyshuari është dërguar në mbajtje.
“Njësiti policor gjersa ndodhej në pikë kontrolli, pasi ka dëgjuar një gjuajtje me armë zjarri në afërsi, kanë vazhduar në drejtim të lokacionit ku edhe kanë hasur në personin e dyshuar. Lidhur me rastin i dyshuari mashkull kosovar është arrestuar, pasi që gjatë kontrollit tek i njëjti është gjetur dhe sekuestruar një armë si dhe gjashtë fishekë”, thuhet në raportin e policisë.
