Një aksion i Njësisë së Antidrogës në Ferizaj, i zhvilluar të mërkurën në rrugën “Sadik Tafarshiku”, rezultoi me arrestimin e një personi të dyshuar për shitblerje të drogës dhe sekuestrimin e një sasie të marihuanës. I dyshuari u kap me drogën e përgatitur për shitje, ndërsa tashmë ndodhet nën masën e ndalimit policor.
I dyshuari që përfundoi në prangat e Policisë është emër i njohur për organet e rendit.
Sinjali ka mësuar ekskluzivisht se bëhet fjalë për të dyshuarin Elon Gashi, rreth 23-vjeçar, recidivist i veprave penale të ngjashme për posedim, shitje e shpërndarje të narkotikëve.
Gashi u arrestua në orët e pasdites dhe u shoqërua në stacion policor, ndërsa Policia i sekuestroi një sasi të marihuanës, thikë, para e telefona.
Lajmin e ka konfirmuar edhe Policia Rajonale në Ferizaj, me ç’rast është bërë e ditur se i dyshuari është dërguar në mbajtje për 48 orë.
