Incident në Podujevë, i mituri godet shokun e klasës me thikë në autobus

Kronikë

Incident në Podujevë, i mituri godet shokun e klasës me thikë në autobus

Më: 28 tetor 2024 Në ora: 19:46
Foto ilustrim

Një incident i rëndë ka ndodhur mëngjesin e sotëm në Podujevë, ku një i mitur ka goditur një bashkëmoshatar me thikë gjatë një konflikti të çastit. Ngjarja ka ndodhur në autobusin e linjës Pollatë-Podujevë, ndërsa dy të miturit po udhëtonin së bashku.

Sipas informacioneve, pas një fjalosjeje mes tyre, i dyshuari e ka goditur viktimën me një thikë në krahëror, duke i shkaktuar lëndime trupore.

Viktima ka marrë trajtim mjekësor dhe është intervistuar në prezencë të prindit dhe Qendrës për Punë Sociale (QPS). Ndërkohë, thika është sekuestruar nga autoritetet si provë materiale.

I dyshuari është intervistuar gjithashtu në prezencë të avokatit mbrojtës, prindit dhe përfaqësuesve të QPS-së.

Me autorizim të prokurores nga Departamenti për të Mitur, i dyshuari është ndaluar në qendrën e mbajtjes për një periudhë prej 24 orësh, ndërkohë që hetimet për këtë rast janë në proces.

comment Për komente lëvizni më poshtë
Më të lexuarat
Sot mund të lexoni Shfletoni kopertinat