Autobusi vozit në kah të kundërt në Prishtinë – Policia identifikon dhe ndëshkon kundërvajtësin

Kronikë

Autobusi vozit në kah të kundërt në Prishtinë – Policia identifikon dhe ndëshkon kundërvajtësin

Më: 23 maj 2025 Në ora: 20:03
Pamje nga videoja

Njësia Rajonale e Trafikut në Prishtinë ka ndërmarrë veprime të menjëhershme pas publikimit të një videoje shqetësuese në të cilën shihej një autobus duke lëvizur në kahen e kundërt të rrugës, duke rrezikuar drejtpërdrejt sigurinë e pjesëmarrësve në komunikacion.

Pas verifikimit të pamjeve dhe identifikimit të kundërvajtësit, autoritetet kanë shqiptuar gjobën përkatëse në përputhje me dispozitat ligjore të trafikut rrugor. Po ashtu, është plotësuar edhe fletëparaqitja për procedurat e mëtejme ligjore.

Policia e Kosovës ka falënderuar qytetarët për bashkëpunimin dhe ka theksuar se sjelljet e tilla të papërgjegjshme nuk do të tolerohen, duke theksuar se garantimi i sigurisë në rrugë mbetet prioritet i lartë institucional.

Institucioni i rendit inkurajon të gjithë qytetarët që të raportojnë raste të ngjashme të rrezikimit të sigurisë rrugore, duke përdorur mjetet e raportimit në vijim:

 E-mail: [email protected]
 Aplikacioni: Lajmëro Policinë
 Tel: 192
 Facebook: Kosovo Police

comment Për komente lëvizni më poshtë
Më të lexuarat
Sot mund të lexoni Shfletoni kopertinat