Dy të lënduar si pasojë e aksidentit te “Kroi i Mbretit”, policia jep detaje

Kronikë

Dy të lënduar si pasojë e aksidentit te “Kroi i Mbretit”, policia jep detaje

Më: 24 maj 2025 Në ora: 18:39
Ilustrim

Një aksident trafiku ka ndodhur më herët në magjistralen Prishtinë-Pejë, më saktësisht në zonën e njohur si “Kroi i Mbretit”.

Rastin e ka konfirmuar edhe zëdhënësi i policisë, Bajram Krasniqi.

Krasniqi tha se për aksidentin në të cilin u përfshin tri vetura, u njoftuan rreth orës 16:15.

Dy persona pësuan lëndime, për të cilat edhe morën trajtim mjekësor.

“Rreth orës 16:15, policia është njoftuar për një aksident trafiku të ndodhur në rrugën nacionale Prishtinë-Pejë (fshati Koreticë). Sipas patrullës policore në aksident janë përfshirë tri automjete. Si pasojë e aksidentit dy persona kanë marrë ndihmë mjekësore. Njësia policore është marrë me procedurat në vendngjarje” deklaroi Krasniqi.

comment Për komente lëvizni më poshtë
Më të lexuarat
Sot mund të lexoni Shfletoni kopertinat