Policia e Kosovës në Prizren ka arrestuar dy persona të dyshuar.
Kjo për veprat penale që lidhen me narkotikët.
Gjatë kontrollit të realizuar në një shtëpi banimi, janë sekuestruar po ashtu provat materiale që ndërlidhen me veprën penale.
Sipas raportit 24-orësh janë sekuestruar 8.72 gramë substancë narkotike e dyshuar e llojit kokainë, 36.66 gramë substancë narkotike e dyshuar e llojit marihuanë, 1 pajisje DVR (e cila dyshohet se është përdorur për incizime apo mbikëqyrje), 2 telefona mobil, të cilët do të ekzaminohen për komunikime të mundshme lidhur me rrjetin e shpërndarjes, 200 euro para të gatshme, për të cilat dyshohet se mund të jenë të ardhura nga shitja e substancave narkotike.