​Kapet hajduti në Ferizaj, iniciohet rast ndaj dy personave që blen sendet e vjedhura

Kronikë

​Kapet hajduti në Ferizaj, iniciohet rast ndaj dy personave që blen sendet e vjedhura

Më: 22 gusht 2025 Në ora: 20:31
Ilustrim

Hetuesit e stacionit policor në Ferizaj, pas një pune hetimore intensive, kanë arritur të identifikojnë dhe arrestojnë të dyshuarin B. T. (28), i cili gjatë periudhës 1 korrik deri më 19 gusht 2025 ka kryer disa vjedhje në objekte banesore në Ferizaj.

Nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë 4.220 euro, të cilat më pas ua kishte shitur personave tjerë, duke iu treguar se ishin të vjedhura.

Sendet e vjedhura janë sekuestruar dhe do t’u kthehen pronarëve ligjorë, raporton kp.

Ndërsa ndaj dy personave të tjerë, G.B. (33) dhe B. H. (25), është iniciuar rasti penal blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

comment Për komente lëvizni më poshtë
Më të lexuarat
Sot mund të lexoni Shfletoni kopertinat