Tre persona janë arrestuar në Vushtrri pasi të njëjtit janë përfshirë në një konflikt fizik.
Të dyshuarit kanë pranuar tretman mjekësor, transmeton KosovaPress.
Me vendim të prokurorit, një nga të dyshuarit është dërguar në mbajtje, kurse dy të tjerë janë liruar në procedurë të rregullt.
"Vushtrri / 27.08.2025 – 08:45. Janë arrestuar tre të dyshuar meshkuj kosovar pasi që pas një mosmarrëveshje janë përleshur fizikisht në mes vete. Të njëjtit kanë pësuar lëndime trupore dhe janë dërguar për tretman mjekësor. Pas intervistimit, me vendim të prokurorit një i dyshuar është dërguar në mbajtje, ndërsa dy të dyshuarit e tjerë janë liruar në procedurë të rregullt", thuhet në raportin e Policisë së Kosovës.