Policia e Kosovës (PK) njofton se punëtorët e pastrimit në Deçan kanë njoftuar se kanë hasur në dy granata dore gjatë grumbullimit të mbeturinave.
Në raportin 24 orësh të Policisë, thuhet se rasti ka ndodhur të hënën rreth orës 09:30 dhe u iniciua si “Mbajtje në pronësi, kontroll apo posedim i paautorizuar i armëve”.
“Deçan 01.09.2025-09:30.Raportohet se punëtorët e pastrimit të qytetit, gjatë grumbullimit të mbeturinave kanë hasur në dy mjetet të dyshuara shpërthyese (granata dore).
Njësia për deminim i PK-së ka bërë tërheqjen e granatave. Rasti është duke u hetuar”, thuhet në njoftim.