Policia e Kosovës ka arrestuar tre persona pasi gjatë kontrollit në trup dhe në veturë u janë gjetur armë e narkotikë.
Rasti ka ndodhur në rrugën “Rrustem Bruqi” në Deçan, të enjten në ora 12:05.
“Janë arrestuar tre të dyshuar meshkuj kosovarë për shkak se gjatë kontrollit në trup dhe veturën me të cilën kanë qenë duke udhëtuar u janë gjetur dhe konfiskuar: dy pistoleta, pesë fishekë, dy thika, një shufër metali, një sprej, një grinder paisje për bluarjen e narkotikëve, tri qese të vogla me substanca të dyshuara narkotike të llojit marihuanë pesha e të cilave nuk është matur, një palë dorëza dhe një emblemë metali”, thuhet në raportin policor.
Tre të dyshuarit pas intervistimit me vendim të prokurorit janë dërguar në mbajtje.
