Një person ka marrë plagë nga armë zjarri sot në Sharban të Prishtinës, raporton KosovaPress.
Incidenti ka ndodhur rreth orës 14:30 dhe se personi i plagosur është dërguar për trajtim mjekësor.
Naser Syla, drejtor i Emergjencës pranë QKUK-së, ka thënë për KosovaPress, se gjendja e pacientit është jashtë rrezikut për jetë dhe se ai po vazhdon të merr trajtimin mjekësor në Klinikën e Ortopedisë.
Policia e Kosovës nuk ka bërë të ditur identitetin personave të përfshirë në këtë incident dhe as motivet.
