Dy policë të lënduar gjatë ndërhyrjes në një rast demolimi në Drenas

Kronikë

Dy policë të lënduar gjatë ndërhyrjes në një rast demolimi në Drenas

Më: 17 dhjetor 2025 Në ora: 08:45
Foto ilustrim

Dy zyrtarë policorë kanë pësuar lëndime pasi kishin hasur në një person i cili po demolonte dhe po thyen­te dritaret e një shtëpie në Drenas. I dyshuari i ka sulmuar zyrtarët policorë gjatë ndërhyrjes së tyre.

Sipas raportit policor, zyrtarët e lënduar kanë pranuar trajtim mjekësor.

“Lidhur me rastin është intervistuar i dyshuari mashkull kosovar, i cili nga njësiti policor ishte hasur duke demoluar dhe thyer dritaret e shtëpisë, po ashtu i njëjti i ka sulmuar dy zyrtarë policor. Si pasojë e sulmit dy zyrtarët policor kanë pranuar tretman mjekësor”, thotë policia.

Gjithashtu ndihmë mjekësore ka pranuar edhe i dyshuari i cili pas intervistimit lidhur me veprën penale me urdhër të prokurorit është liruar në procedurë të rregullt.

comment Për komente lëvizni më poshtë
Më të lexuarat
Sot mund të lexoni Shfletoni kopertinat