Policia e Kosovës ka publikuar fotografinë e një personi të kërkuar për veprat penale “Mashtrim”, “Falsifikim të dokumenteve” dhe “Legalizim i rremë”.
Përmes një njoftimi zyrtar, Policia u ka bërë thirrje qytetarëve të Republikës së Kosovës që, nëse kanë ndonjë informacion lidhur me vendndodhjen e personit të dyshuar në foton e bashkangjitur, ta njoftojnë menjëherë Policinë e Kosovës ose të paraqiten në stacionin më të afërt policor.
Njoftimi:
Kërkesë për bashkëpunim
Pejë, 12 shkurt 2026
Policia e Kosovës, Drejtoria Rajonale e Policisë në Pejë, bazuar në ligjin për publikimin e fotos sё personit të kërkuar, me autorizimin e Prokurorisë Themelore nё Pejё, me qëllim lokalizimin dhe rrjedhimisht arrestimin e tij, lëshon:
Kërkesë për bashkëpunim me qytetarët.
I pandehuri është i kërkuar për veprat penale:
• Mashtrim
• Falsifikim i dokumenteve dhe
• Legalizim i rremë
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
- 192 dhe 080019999 (pa pagesë)
- 039 432 327-Drejtoria Rajonale Pejë
- E-mail adresa: [email protected]
