Njësia për Realizimin e Urdhëresave, në kuadër të Stacionit Policor Veriu në Prishtinë, ka realizuar arrestimin e një personi të mitur i cili ishte në kërkim me urdhëresë gjyqësore.
I mituri ishte i dënuar me tre (3) vite masë institucionale edukative për veprën penale “Dhunim”.
Pas arrestimit, ai është dërguar në qendrën korrektuese për të mitur, në përputhje me vendimin e gjykatës.
Policia e Kosovës mbetet e përkushtuar në zbatimin e vendimeve gjyqësore dhe garantimin e rendit dhe sigurisë publike.
