Identifikohet i moshuari i gjetur pa shenja jete në Prizren

Kronikë

Identifikohet i moshuari i gjetur pa shenja jete në Prizren

Më: 27 mars 2026 Në ora: 10:14
Policia

Policia e Kosovës ka bërë të ditur se është identifikuar personi i cili u gjet pa shenja jete në Prizren.

Sipas njoftimit, rasti ka ndodhur më 26 mars 2026, rreth orës 11:36, në rrugën “Edit Durham”, ku një burrë rreth 70 vjeç është gjetur i pajetë. Njësitet policore, së bashku me ekipet hetimore dhe të krim-teknikës, kanë dalë menjëherë në vendin e ngjarjes.

Autoritetet kanë bërë të ditur se në trupin e viktimës nuk janë vërejtur shenja dhune. Trupi i pajetë është dërguar për ekzaminime të mëtejshme në Instituti i Mjekësisë Ligjore në Prishtinë, ndërsa rasti është iniciuar si “hetim i vdekjes” në konsultim me prokurorin.

Fillimisht, policia kishte kërkuar ndihmën e qytetarëve për identifikimin e viktimës. Pas veprimeve hetimore në terren dhe kontaktit me familjarët, është arritur të konfirmohet identiteti i tij.

Policia ka falënderuar mediat dhe qytetarët për bashkëpunimin, duke bërë të ditur se procedurat ligjore do të vazhdojnë edhe në ditët në vijim.

comment Për komente lëvizni më poshtë
Më të lexuarat
Sot mund të lexoni Shfletoni kopertinat