Një 60-vjeçar ka humbur jetën si pasojë e një aksidenti në Koshare të Ferizajt.
Zëdhënësi i Policisë për rajonin e Ferizajt, Kanun Veseli konfirmoi se në aksident ishin përfshirë dy vetura.
“Sot rreth orës 12:15 kemi pranuar informatën se në fshatin Koshare të Ferizajt ka ndodhur një aksident trafiku ku janë përfshirë dy vetura me targa vendore.
Si pasojë e këtij aksidenti ka humbur jetën një person, mashkull, i moshës 60 vjeç , vdekja e të cilit është konfirmuar në vendin e ngjarjes nga ekipi mjekësor Per informata shtesë do të njoftoheni me raport vijues”, tha Veseli.