Përfshihet nga zjarri një ndërtesë në Prishtinë

Kronikë

Përfshihet nga zjarri një ndërtesë në Prishtinë

Më: 27 qershor 2026 Në ora: 08:35 Përditësuar në ora: 11:40 më 27.06.2026
Fotoilustrim

​Zjarri në ndërtesën në Prishtinë, ekipi i zjarrfikësve arrin të largohet kulmi ku ishte bllokuar

Një ekip i zjarrfikësve ka arritur të largohet nga kulmi ku edhe ishin të bllokuar nga flakët.

Derisa shuarja e ndërtesave po vazhdon. Nga aty është larguar kryetari i Komunës së Prishtinës, Përparim Rama.

Ai nuk ka dashur të flas për KosovaPress.

Në ndërtesën e cila ndodhet në rrugën “Isa Kastrati”, në Prishtinë po digjen dy banesa. Si pasojë e zjarrit janë lënduar tre persona, në mesin e të cilëve edhe një fëmijë.

Digjet banesa në Prishtinë, tre persona pranojnë trajtim mjekësor

Një banesë në Prishtinë është kapluar nga zjarri.

Banesa në Parkun e Qytetit në kryeqytet është kapluar nga flakët në orët e para të mëngjesit.

Flora Ahmeti, zëdhënëse e Policisë për rajonin e Prishtinës e ka konfirmuar rastin.

“Sot rreth orës 07:30, kemi pranuar informatën për një incident zjarri në një ndërtesë banimi në rrugën Isa Kastrati në Prishtinë. Menjëherë në vendin e ngjarjes kanë dalë policia ekipet mjekësore dhe zjarrfikësit të cilët po merren me rastin. Bazuar në të dhënat e deritanishme tre persona janë trajtuar nga ekipet mjekësore”.

Përfshihet nga zjarri një ndërtesë në Prishtinë

Një zjarr ka shpërthyer mëngjesin e sotëm në katin e sipërm të një ndërtese banimi në rrugën “Isa Kastrati” në Prishtinë.

Në pamjet e publikuara nga media,  shihet flaka duke dalë përmes kulmit të objektit.

Në vendin e ngjarjes kanë dalë njësitet e Policisë së Kosovës, ekipet e zjarrfikësve dhe ato të emergjencës mjekësore.

Policia ka bllokuar qarkullimin në afërsi të objektit dhe ka vendosur shiritat e sigurisë rreth perimetrit të zonës së prekur.

Më të lexuarat
Sot mund të lexoni Shfletoni kopertinat