Melodia juj n'pentagram
Mbretëreshat e shpirtit tim;
Për lahutë, violin, klarinet,
Kitare, daulle e çiftelinë!
Melodia juaj në pentagram
Dishepuj ngriti, ruajti e zgjoi...
Ju që më jeni mbretëreshat;
melodi, frymëzim e oksigjen,
për shpirtin tim!...
Të bashkuara do të më rrinit,
akoma edhe më mirë;
me akordimet tuaja brilante melodinë;
lahutë, çifteli, clarinet, kitare, daulle e violin.
Telat muzikalitet, sa bukur që ju rrinë!
Nga që më jeni të ëmbëla,
tërheqëse më kënaqni shpirtin
Por, akoma më të forta,
më të dashtura do të më jeni;
kur u dëgjoj e ju shoh:
Së bashku n'Tiranë e n'Prishtinë!
"Ju që më rrini, më vini e më jeni;
ato shpirtëdrithërimat e mija;
që dimërit më shkrinë,
ndërsa verës gjakun ma ngrinë"!
Aty ku ndëgjoj; këngë, valle autoktone,
burimore promenadat, akordet e vendit tuaj-tim...
Melodia juaj në pentagram
Dishepuj ruajte e zgjoje...
Më shtohet jeta më kënaqet shpirti,
më ringjallet jeta;Si bletëtve ndër hoje...
N'agun e hershëm me plot aromë,
dritë luleje e trëndafila
Në vargun tim poetik,
që gjithmonë më sjellni frymëzim...
Ndjesinë e kënaqësinë time,
bashkë me lirinë e shoqërinë time,
ju më ndihmoni e më zgjoni kurreshtjen-kërshërin!...
