Ajo s'kishte fuqi më i ndalue demonët
Përse vdekja ia puthi buzët
Nuk e kishim "trimërinë "e perandorëve
Mbetëm peng ëndërrash të lirisë
T'i vras perandorët e kisha dëshiru
Por ata më vranë e me shanë mua
Tani sikur kot bie çdo ditë shi
Askush s'mund t'i lajë apokalipsat
Ndalova me të shpejt verbërimin e tokës
Buzët u çanë në mijëra copa atomesh
Një ditë do ta puthin kohën e lirisë
Do të ringjallën bashkë me Prometheun
Buzët nuk kanë faj kur u puthën me vdekjen
Sy me sy u ngritēn në beteja të çlirimtarëve
Njërën dashuri sot e fal në Çamëri
S'kam fuqi t'i harroj plagët e buzëve të etura.
Koha e kalit
Të jetosh kohën e kalit
Do të thotë se je i sinqertë
Dhe unë linda në kohë të pakohë
Kur në vend të bukës dhe ujit
Na u shtrue sofra plotë plumba vrasës
Kohën e kalit e morën me vete
Mjeranët e shekullit të marrë
Kam shumë për të thënë
Edhe çfarë s'më vie në mendje
Janë mëkate të shumta të kohës
Hingëllimat e kalit dhe ulurima ujqish
Ma morën edhe kohën time
Më lanë në kryqëzimin e saj
Të vetmuar me besën e dhënë
Njëqind fytyra ia ndërruan kohës
Në tempull lutjesh e kanë forcue
Nuk dihet nëse ka uratë tjetër a ferri
Bota çdo çast mbetët peng perandorësh
Më kërkuan të bëhem hero i kohës së kalit
Ndoshta i kam takue protestave për liri
Plagët i kam të pashëruara nëpër beteja
Tokën kur ma shitën më vdiq koha ime
Veç koha e kalit na i ruan dashuritë e djallit
E kotë është lutja ime për atdheun e lirë
Ju duhet kohë t'i mundim dhembjet e shpirtit
S'di as për vete kur do të kem fytyrë të bukur.
