Jeta si një tingull

Kultura

Jeta si një tingull

Nga: Dedë Preqi Më: 24 maj 2022 Në ora: 12:45
Dedë Preqi

Sa herë qajnë instrumentet me lotët e vet

Me zërat e qejfuar e dehjet kundërmuese,

Brengat përzihen e shkrihen nëpër tinguj

Sëcili udhëton me ritmin e vet në shpirt.

 

Sa herë gatërrohen rrugët, farkohen duart

Melodia e shputave t’lodhura i shoqëron,

Ah, kur ajo acarohet buzët e veta i kafshon

Merr me vete ty dhe mua kah do që shkon.

 

A peshohet jeta me vagë e drejtohet me shpagë

Era te dera mëshehtas i mbledh gjethet e thara,

Ajo është vetëm një tingull që ushton e s’pushon

Ne jemi ata që e akordojmë e herë ç’akordojmë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat