Poezi e premtuar

Kultura

Poezi e premtuar

Nga: Sami Mulaj Më: 25 qershor 2025 Në ora: 12:49
Autori Sami Mulaj

Në strofën

ku vargjet në gjunjë

me radhë ngjyjnë në ngjymin e çanakut pa fjalë,

lugët e drunit pa u ngi

në sofrën thatë

kërcasin si nyjet e gishtave të hollë e të gjatë,

poeti e heshtja e tij e ngrime,

muza pa gojë

e ngratë.

Mendimet

një Saharë e djegur prej thatësirës,

u ulën për të gjetur hijet,

shkreptimat i gjuajtën,

rrufetë edhe hijet i vranë.

Poezia e premtuar

të vinte

nuk erdhi kurr,

mbeti si e çmendur rrugëve

e kurr nuk diti me ardhë.

Por, tek varri i poetit

pa lot vjen vërdallë,

e tund fustanin

e tek kryet e varrit

si një e përdalë

i nxjerr jashtë shalët…

S.Mulaj

Qershor 24, 2025

New Jersey, USA

comment Për komente lëvizni më poshtë
Sot mund të lexoni Shfletoni kopertinat