do të kthehet në pushtet klasa e vjetër politike,
Kosova dhe qytetarët e Kosovës kanë për të pësuar keq.
Në Kosovë
ka për të lulëzuar hajnia dhe korrupsioni,
krimi ekonomik i organizuar
do të përfshijë çdo segment
të shoqërisë dhe shtetit,
pushtetarët pasuritë e popullit
kanë për t’i përvetësuar për vete.
Kjo nuk thuhet rastësisht,
sepse kjo klasë politike,
pas çlirimit, posa erdhi në pushtet,
pasuritë e Kosovës i përvetësoi për vete;
me qindra e mijëra qytetarë të Kosovës,
nga varfëria dhe mjerimi, e lëshuan vendin e vet.
Vallë, ajo që mbahet mend
e nuk mund të harrohet kurrë —
kjo klasë politike
tokat e Kosovës i bleu me pak lekë,
sikur këto toka
të mos kishin qenë të Kosovës,
por të ndonjë shteti tjetër.
Madje, madje, klasa e vjetër politike
që orvatet për të ardhur përsëri në pushtet,
kur e qeveriste Kosovën,
Kosovës ia solli Asociacionin serb,
të keqen më të madhe të hegjemonizmit serb.
Në mesin e kësaj klase politike
kishte zëra që thonin
t’u falen krimet e luftës
dhe gjenocidi kundër shqiptarëve
shtetit serb.
O Zot!
Qytetarët e Kosovës
luten ditë e natë:
kjo klasë politike
kurrë më të mos vijë në pushtet
për ta varfëruar Kosovën
dhe qytetarët e vet.
