Për lirinë e Kosovës
dhe të popullit shqiptar
është bërë shumë
dhe është folur shumë,
por kurrë asnjë gjeneratë
nuk duhet ta harrojë
se fillët e lirisë së Kosovës
rrënjët i kanë
në mençurinë
dhe kontributin e Dr. Ibrahim Rugovës,
birit të Dardanisë shqiptare.
Prandaj, me të drejtë,
gjeneratë pas gjenerate
do ta thërrasin ikonë të pavarësisë së Kosovës.
Dr. Ibrahim Rugova
e bëri që Kosovën
ta njohë Amerika
dhe Evropa,
dhe të gjitha shtetet demokratike të botës,
ta kuptonin se Kosovës,
një territor i banuar historikisht
me shumicë shqiptarësh autoktonë,
i duhej patjetër liria
për t’i shpëtuar shfarosjes
nga një shtet fashist
siç ishte Serbia.
Dr. Ibrahim Rugova
e vulosi kauzën e drejtë
të shqiptarëve të Kosovës për liri;
pastaj bota demokratike e pranoi
dhe e përkrahu luftën e drejtë
të 2 milionë shqiptarëve të Kosovës
të sunduar padrejtësisht nga Serbia
në ish-Jugosllavi.
