Bahtiri jep mesazh të fortë politik, me dy ministrat e Qeverisë Kurti

Mitrovica

Bahtiri jep mesazh të fortë politik, me dy ministrat e Qeverisë Kurti

Më: 10 tetor 2021 Në ora: 11:43
Ministri i Mbrojtjes, Armend Mehaj dhe ministri i Brendshëm, Xhelal Sveçla kanë qëndruar në krahë të Agim Bahtirit.

Kryetari i Mitrovicës, që tash po kandidon edhe për një mandat të ri nga radhët e Vetëvendosjes, Agim Bahtiri ka pasur mysafirë dy ministrat, që konsiderohen dy ministrat “e fortë” të Qeverisë Kurti.

Ministri i Mbrojtjes, Armend Mehaj dhe ministri i Brendshëm, Xhelal Sveçla kanë qëndruar në krahë të Bahtirit.

Ky i fundit ka publikuar këtë fotografi bashkë me mbishkrimin që tregon rëndësinë e këtyre dy ministrave për qytetin e Mitrovicës, pasi që në prapavojë shihet pjesa veriore e Mitrovicës.

“Me dy ministrat që i duhen Mitrovicës më së shumti, edhe në atë që po shihet mbrapa nesh. Ministri i Mbrojtjes, Armend Mehaj dhe Ministri i Brendshëm, Xhelal Sveçla do të jenë në krahun tonë”, ka shkruar Bahtiri.

Sot pritet që në qytetin e Mitrovicës të zbarkojë lideri i Lëvizjes Vetëvendosje dhe kryeministri i vendit, Albin Kurti.

Prezenca e ministrave dhe kryeministrit sot, po tregon vendosmërinë e Vetëvendosjes që të fitojë Mitrovicën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat