Komuna e Mitrovicës përkujdeset që rrugët në fshatrat e Bajgorës të jenë të lira edhe gjatë vikendeve

Mitrovica

Komuna e Mitrovicës përkujdeset që rrugët në fshatrat e Bajgorës të jenë të lira edhe gjatë vikendeve

Më: 12 dhjetor 2021 Në ora: 17:46
Foto nga vendi i ngjarjes

Nënkryetari i Komunës së Mitrovicës, Arian Tahiri, gjatë këtij vikendi ka inspektuar gjendjen e rrugëve në fshatrat e rajonit të Shalës së Bajgorës, ku është përkujdesur që kompanitë e kontraktuara për mirëmbajtje dimërore të bëjnë pastrimin e rrugëve të mbuluara nga bora.

Me këtë rast, nënkryetari Tahiri, ka potencuar së mbrëmë deri në orët e vona dhe sot gjatë ditës është bërë pastrimi i rrugëve, në mënyrë që banorëve të Shalës t’ju sigurohet lëvizja dhe qarkullimi i lirë, përkundër që në vazhdimësi ka pasur reshje të borës.

“Qeverisja lokale është duke qëndruar pranë familjeve shaliane, duke u përkujdesur jo vetëm në pastrimin e rrugëve, por edhe t’ju dilet në ndihmë, në rastet kur është e nevojshme”, tha nënkryetari Tahiri.

Image
Foto nga vendi i ngjarjes

Vlenë të theksohet se në orët e hershme të mëngjesit, për shkakë të reshjeve të dendura të borës ka pasur ca vështirësi për lëvizje të automjeteve por menjëherë pas intervenimit të kompanive të kontraktuara është bërë pastrimi i tyre dhe aktualisht të gjitha rrugët janë të lira për qarkullim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat