Komuna e Mitrovicës po kryen përgatitjet finale për pjesëmarrje në garën “SUMP Award” në Bruksel

Mitrovica

Komuna e Mitrovicës po kryen përgatitjet finale për pjesëmarrje në garën “SUMP Award” në Bruksel

Më: 3 mars 2022 Në ora: 15:56
Pamje nga takimi

Nënkryetari i komunës, Arian Tahiri, sot ka pritur në takim përfaqësueset e UN-Habitat-it, Zana Sokoli dhe Fjolla Caka.

Në këtë takim ishin të pranishëm edhe drejtori i DSHPI-së, Granit Tmava, së bashku me disa zyrtarë të kësaj drejtorie.

Gjatë këtij takimi u bisedua për implementimin e projekteve përgjatë rrugëve “Mbretëresha Teutë” dhe “Isa Boletini”, me theks të veçantë realizimin e projektit për shtrirjen dhe zgjerimin e rrjetit të biçikletave.

Gjithashtu në këtë takim është bërë e ditur se kanë përfunduar xhirimet e qytetit të Mitrovicës, me ç’ rast është përgatitur edhe videoja me të cilën Komuna e Mitrovicës do të paraqitet si finaliste në Bruksel, në garë me Madridin e Spanjës dhe Tamperen e Finlandës, për fitimin e çmimit të Planit të Mobilitetit të Qëndrueshëm Urban.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat