“Handikos” dhe The Balkan Forum kanë nisur kampanjën “Thuaj Jo Qeseve të Plastikës”, ku në sheshin “Skënderbeu” dhe “Nënë Tereza” në Prishtinë përmes një aktiviteti simbolik zyrtarisht kanë prezantuar strajcat e ripërdorshme të punuara tash e disa muaj nga personat me aftësi të kufizuara.
Drejtori i “Handikos”, Afrim Maliqi tha se kampanja për qëllim ka mbrojtjen e mjedisit përmes përdorimit të strajcave.
Sadete Dubova nga “Handikos”, tha se kanë punuar 3 mijë strajca dhe se në qepjen e tyre kanë marrë pjesë dhjetë persona me nevoja të veçanta.
