​Rama: Kryeqyteti ka bërë riorganizimin e shujtës së ngrohtë për familjet në nevojë

Prishtina

​Rama: Kryeqyteti ka bërë riorganizimin e shujtës së ngrohtë për familjet në nevojë

Më: 16 shtator 2022 Në ora: 19:43
Pamje nga vendi i ngjarjes

​Rama: Kryeqyteti ka bërë riorganizimin e shujtës së ngrohtë për familjet në nevojë.

Kryetari i Komunës së Prishtinës, Përparim Rama ka njoftuar se kryeqyteti ka bërë riorganizimin e shujtës së ngrohtë për familjet në nevojë, nëpërmjet së cilës është reduktuar koha e pritjes dhe shujtat do të shërbehen në kushte më të mira sanitare se më parë.

Sipas Ramës, çdo ditë prej orës 13:00, për qytetarët në nevojë do të shpërndahen 500 shujta në Qendrën Kulturore Sociale e të Moshuarve në Aktash dhe në Qendrën Kulturore Sociale e të Moshuarve në Tophane.

“Bashkë me drejtoren e Mirëqenies Sociale, Adelinë Sahiti, vizituam Qendrën Kulturore Sociale të të moshuarve në lagjen Tophane, ku për pak kohë u bëmë pjesë e ekipit fantastik për përgatitjen e shujtave për servim”, ka shkruar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat