Pas largimit nga Komisioni Hetimor, Nënkryetari i PS shpalos qëndrimin

Shqipëria

Pas largimit nga Komisioni Hetimor, Nënkryetari i PS shpalos qëndrimin

Më: 22 tetor 2021 Në ora: 16:48
Foto ilustrim

Nënkryetari i Komisionit Hetimor për zgjedhjet, Toni Gogu, ka shprehur qëndrimin e Partisë Socialiste në lidhje me zhvillimet në mbledhjem e ditës së sotme në komision, ku përfaqësuesit e maxhorancës braktisën seancën pas mosdakordësisë për rregulloren. 

Gogu shprehet se kryetari i Komisionit, Enkelejd Alibeaj, injoroi të drejtën e maxhorancës për të paraqitur nenet e draft rregullores, duke mos marrë parasysh as rezultatin e votimit.

Nënkryetari i Komisionit thekson se Partia Socialiste nuk do të lejojë imponimin e dhunshëm në Komisionin Hetimor, si dhe ai të dalë nga udha e ligjshmërisë pavarësisht provokimeve të opozitës.

Qëndrimi i nëkryetarit Toni Gogu:

Në shkelje të ligjit për komisionet hetimore (neni 10/1, 11/1, 13/2 dhe 24) dhe të rregullores së kuvendit ( neni 25/2 , 34, 38, 49, 50, 51, 71, 75 e në mënyrë të posacme të nenit 76, Kryetari i komisionit hetimor zoti Alibeaj, në mënyrë të përsëritur injoroi të drejtën e maxhorancës për të paraqitur propozimet e neneve të draft rregullores, deri në shkeljen flagrante të mos marrjes në konsideratë të rezultatit të votimit. Pas thirrjeve të vazhdueshme për të futur në shinat e ligjshmërisë procesin e votimit, u detyruam të kërkonim pushim sipas nenit 39/1, paragrafi 3. Ne mbetemi vullnetplotë për rifillimin në çdo moment të mbledhjes në respekt të plotë të Rregullores së Kuvendit.

Provokimit të vazhdueshëm për të nxjerrë komisionin nga udha e ligjshmërisë në përmbushje të funksionit të tij të hetimit  e për ta kthyer në “foltore” nuk do i përgjigjemi kurrë pozitivisht . Gjithashtu jemi të vendosur të mos lejojmë në asnjë moment në veprimtarinë e Kuvendit të Republikës së Shqipërisë, imponimin e dhunshëm të kulturës së tyre partiake të votimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat