I dënuar për shfrytëzim prostitucioni/ Lirohet nga burgu në Itali vëllai i Safet Bajrit, Ilir Rustemi

Shqipëria

I dënuar për shfrytëzim prostitucioni/ Lirohet nga burgu në Itali vëllai i Safet Bajrit, Ilir Rustemi

Më: 1 tetor 2022 Në ora: 13:33
Foto ilustrim

Lirohet nga burgu në Itali Ilir Rustemi, vëllai i Safet Bajrit, raporton News24.

Ilir Bajri u ekstradua në Itali në mars të këtij viti, pasi ishte dënuar për shfrytëzim prostitucioni.

News 24 raporton se Bajri ka mbërritur në Shkodër 3 javë më parë.

Kush është Ilir Rustemi (Bajri)

Me 4 gushtit të vitit 2006, Ilir Bajri Ilir akuzohet se ka vrarë Pal Kosterin, pranë banesës së tij, në fshatin Stom-Golem, pak metra larg Urës së Bardhajve. Vrasja pati ndodhur pas një konflikti të dy autorëve me dy nga djemtë e viktimës, që janë pronarë të një lokali në Velipojë.

Autori kishte frekuentuar lokalin në Velipojë dhe në gjendje të pirë ka shkaktuar trazira në të. Kjo ka bërë që pronarët, djemtë e viktimës t’i kërkojnë Bajrit të mos vinte më në lokalin e tyre, pasi po u largoheshin klientët.

Nga kjo, autori është ndjerë i fyer dhe ka shkuar në Shkodër, tek shtëpia e Pal Kosterit dhe pasi e ka thirrur atë të dalë jashtë, e ka qëlluar me armë. Bashkëshortja e viktimës i ka identifikuar autorët, të cilët i njihte dhe më parë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat