Vrau me thikë turistin për një kalë, arrestohet autori në Berat

Shqipëria

Vrau me thikë turistin për një kalë, arrestohet autori në Berat

Më: 29 tetor 2025 Në ora: 08:18
Foto ilustrim

Policia e Beratit ka arrestuarin autorin e vrasjes së 42 vjeçarit në Berat, K.M.

63 vjeçari goditi me mjet prerës 42-vjeçarin, K.H, i cili fatkeqësisht humbi jetën, shkruan vizionplus.tv.

Konflikti dyshohet se nisi për shkak të një kali që përdorej për shëtitje turistike në kalanë e qytetit. Ai ishte në pronësi të autorit, mirëpo ende nuk është bërë e ditur pse konflikti përfundoi në përdorimin e armëve të ftohta.

Sipas raportimeve, autori u gjet i fshehur te “Shpella e Memecit”, pranë kishës tek ura e Goricës.

“Rreth orës 15:10, në lagjen e Kalasë, shtetasi K. M., alias K. H., 63 vjeç, banues në lagjen “Barrikadë”, Berat, dyshohet se gjatë një konflikti për motive të dobëta ka goditur me mjet prerës shtetasin K. H., 42 vjeç, banues në Tiranë, i cili ka humbur jetën.

Shërbimet e Policisë janë vënë në ndjekje të autorit dhe po kontrollojnë zonën për kapjen e tij.

Grupi hetimor vijon punën për përcaktimin e rrethanave dhe dokumentimin e plotë të ngjarjes”, njoftoi policia.

comment Për komente lëvizni më poshtë
Sot mund të lexoni Shfletoni kopertinat