Serena Williams pa telashe kalon në raundin tjetër të Australian Open - Bota Sot
Serena Williams pa telashe kalon në raundin tjetër të Australian Open

Tenis

Serena Williams pa telashe kalon në raundin tjetër të Australian Open

Më: 15 janar 2019 Në ora: 14:09
Serena Williams

Tenistja amerikane e ka nisur me këmbë të mbarë Grand Slamin e parë të vitit.

Serena Williams e nisi mjaft mirë aventurën e saj në Australian Open.

Ajo u kualifikua për në raundin e dytë të turneut të parë Grand Slam të vitit, pasi mundi gjermanen Tatjana Maria 2-0 në sete.

Serenës iu deshën vetëm 49 minuta lojë për ta fituar këtë ndeshje, duke i mbyllur setet 6-2 dhe 6-0.

Mjaft mirë e nisi turneun e Australian Open edhe Eugenie Bouchard, që eliminoi në raundin e parë kinezen Peng 2-0. Edhe për tenisten kanadeze, ndeshja ishte shumë e lehtë, pasi ajo i fitoi setet me rezultatin 6-2 dhe 6-1, brenda 59 minutave lojë.

Në konkurrencën e meshkujve, Kei Nishikori siguroi një vend për në raundin e dytë të këtij turneu, pasi kaloi polakun Majchrzak.

Sfida ishte e rivalizuar dhe shkoi deri në setin e pestë, pasi rezultati ishte barazim 2-2. Në setin final, polaku shfaqi probleme dhe u tërhoq në momentin kur Nishikori po kryesonte 3-0.

Për në raundin tjetër u kualifikuan edhe Fabio Fognini, Alexander Zvererv e Stanislas Wawarinka, që eliminuan respektivisht Munar, Gulbis dhe Bedenen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...