Kandidatja për deputetet nga Lidhja Demokratike e Kosovës, Alma Lama, si duket nuk është aspak e kënaqur me rezultatin zgjedhor.
Jo vetëm pse humbi LDK-ja në zgjedhjet e 14 shkurtit, pasi doli e treta, por dyshon në diçka tjetër. Ajo kërkon rinumërimin e votave për kandidat nëpër subjekte politike.
Lama, përmes një shkrimi në Facebook, ka thënë se procesi zgjedhor do të jetë i rregullt nëse KQZ, vendos të rinumërojë votat e kandidatëve nëpër subjekte politike.
“Procesi zgjedhor do të jetë i rregullt vetëm nëse KQZ vendos të rinumërojë votat e kandidateve nëpër subjekte politike!”, ka shkruar ajo.
